Oprichting CV De Bengels.
Op 14 juli 1973 woord door Inkel  leede van de buurtvereiniging West oet Ni-jwieërt West ein kommité gevormdj tot oprichting van ein Carnavalsvereiniging want in groeët Ni-jwieërt loog  de carnaval al ein paar jaor plat zoe-as ze det zegge. Nao Inkel vergaderinge kwoom ut op 11 Oct. 1973 tot ein defenetief  besloêt en es de Carnavalsvereiniging ein feit. In de ieërste bestuursvergadering woorte de volgendje leede gekooze. Lei v.d. Heurik -  Vorst/Voorzitter, Max Moors – Penningmeister, Ted Vroegh – Sikretaris, Lei Driessen, Tjeu Reemers, Frits v. Hekken en Mart Vossen Bestuur sleeden. Eine passendje naam most gevônge waere Lei v.d. Heurik kwoom met de naam “De Bengels” Dit in verbandj met de huuskes di-j dao gelaege hebbe op de plaats wao nouw de Wilgenstraot liktj. Ze neumdje di-j huuskes in de volksmôndj de “Bengelehuuskes” de beteikenis daovan, dao waere verschillendje oeteinzettinge over gegaeve. Ein daovan es det de huuskes door Belze gebouwdj es en det di-j hieël groeëte Stein gebroekdje (Bengels van Stein). Eemes angers beweerd det de aojers heur wichter ”di-j bengels van os”neumdje. Ouch deut ein verhaal de ronte van twieë persoene det vreuger de wichter di-j dao woeëndje, in ein veldjbrandj oove de Stein di-j in de zôn looge te dreûge stieëds moste umdrej-je. Dees woorte in de  volsmôndj “Bengele”geneumdj. Hee-j door es de naam Bengelehuuskes onstange. Me rein dink es zeeker wao nouw Ni-jwieërt West liktj det es ut Bengelerieëk en dao zeen verschillendje benaminge di-j dao oug tôw lei-je b.v. Sporthal De Bengele, Aan de bengele, Kleuterschool de Bengele enz. Unne schoeëne naam dus vör un schoeën vereiniging.
“Carnavalsvereiniging CV De Bengels”